MEMORANTAMO WA KWANO WO O TSENETŠWEGO KE, O LE GARE GA
MMUŠO WA AFRIKA-BORWA KA GO KGORO YA WONA YA POLOKEGO LE TŠHIRELETŠO: TIRELO YA MAPHODISA A AFRIKA-BORWA
mokhwi le ka morago e tlogo ba SAPS
e emetšwe ke -----------------------------------------------------
maemong a gagwe a go ba -----------------------------------------
wa lehlakore lekhwi le
Nomoro ya boitsebišo ----------------------------------
mokhwi le ka morago e tlogo ba MOKONTRAKI.
wa lehlakoreng lela
Mokhwi le ka morago di tlogo tsebja ka mohlakanelwa e le
DIPHATHI
KA FAO, DIPHATHI TŠE DI KWANA KA TSELA YE:
KONTRAKA YA THWALO
Mokhwi SAPS e ikemišeditše go tsena setlemong le MOKONTRAKI go ya ka dipeelano le mabaka go ya ka moo go beilwego ka KWANONG ye, gomme MOKONTRKI mokhwi o dumela gore o tla hwetšagatša tirelo ya gagwe le go direla SAPS go ya ka dipeelano le mabaka ao a beilwego ka go KWANO kua ---------------------------------------- (morago e tla laetšwa bjalo ka BOŠOMELO): Ge fela MOKONTRAKI a ka laelwa ke SAPS gore a hwetšagatše tirelo ya gagwe le go phethela SAPS tirelo ya gagwe lefelong lefe le lefe la moago la SAPS go tloga BOŠOMELONG, maemong a lebakanyana.
MAEMO A THWALO
MOKONTRAKI o tla hwetšagatša le go petha ditirelo tša gagwe go SAPS maemong a gagwe a go ba MOKONTRAKI yo a ikemetšego ka noši kudu maemong a gagwe bjalo ka :-------------------------------------------------
MOKONTRAKI ka baka la kwano yekhwi a ka se be le, goba a ipopela tetelo ya semolao mabapi le mpshafatšo efe le efe ya KWANO ye goba peo maemong afe le afe bjalo ka modiredi wa SAPS
DIPHATHI di kwane thwii gore MOKONTRAKI ga se a kontrakwa ka gare ga maemo a gagwe bjalo ka modiredi go ya ka KWANO ye, gomme ga go na le kamano ya thwalo gare ga MOKONTRAKI le SAPS ka lebaka la KWANO ye.
MOKONTRAKI, ka ntle le dipeakanyetšo tša Temana 1.1 ka godimo le ka taolo ya dipeakanyetšo tša Temana ya 5 le 9 ka mo tlase, o hwetšagatša le go phethagatša ditirelo tša gawe go SAPS ge, le go ya ka mabaka a a beilwego ke SAPS, paka ye e kgaoletšwego ya --------------------------------- go thoma ka tšatšikgwedi la go šoma ga KWANO ye. ( bona Temana 12.1)
Ditshwanelo tša MOKONTRAKI di tla akaretša phethagatšo ya modiro ofe le ofe wa diatla wo o bopago karolo ya, gomme o ukangwe ka mo go kwagalago, le gona o swanetšana le ditshwanelo tša MOKONTRAKI.
KHWETŠAGALO LE PHETHAGATŠO YA TIRELO
MOKONTRAKI o tla hwetšagatša le go phethagatša ditirelo tša gagwe go ya ka lenaneo la modiro le le mametletšwego mokhwi bjalo ka KOKETšO A
MOKONTRAKI a ka se be le tokelo ya go lefelwa boikhutšo goba matšatši a tokollo go ya ka KWANO ye.
LLIFI
MOKONTRAKI a ka se be le tokelo ya llifi ya sebopego sefe le sefe go ya ka dipeelano tša KWANO ye.
THWALO/TRANSPOROTO
SAPS e tla ikarabela mo go thwalo/transporoto ya MOKONTRAKI go ya le go boa BOŠOMELONG gore a tle a kgone go phethagatša ditlamego tša gagwe (bona temana 3.1 - 3.2 ka godimo) go ya ka KWANO ye.
KALAFO, PHENŠENE LE TŠHIRELETŠO/ INŠORENSE YA GO SE ŠOME
MOKONTRAKI a ka se be le tokelo ya thušo efe le efe go ya ka dipeelano tša sekimi sa kalafo, phenšene goba tšhireletšo/inšorense ya go se šome.
TIRELO YA POTEGO
MOKONTRAKI o ikemišetša go hwetšagatša le go phethagatša ditirelo tša gagwe go SAPS le go dira mešomo ya gagwe go ya ka dipeelano tša KWANO ye, ka potego, mafolofolo, ka bjako le ka bokgoni bja gagwe ka moka.
TEFO
SAPS e tla lefa MOKONTRAKI mabapi le khwetšagalo le phethagatšo ya ditirelo tša gagwe, tefo ya setlemo/ kontraka ka kelo ya ----------------------------- (R -----:-----)diranta ka iri ( go tsenywa gare motšhelo wa thekišo): Ge fela SAPS nako le nako go ya ka tlhokomelo ya yona e ka oketša tefo ya setlemo yeo e boletšwego go ya ka kelo ye e beilwego ya godingwana ka iri.
Tefo yeo ya setlemo/kontraka (bona Temana ya 10.1 ka godimo) e emela palomoka ya tefo le diphaphelo tša moputso ka moka tša MOKONTRAKI:Ge fela diphokotšo tša go swana le tšeo di nyakegago go ya ka dipeelano tša molao wo mongwe le wo mongwe di tla ntšhiwa go tefo ya MOKONTRAKI.
KHUNOLLO
MOKONTRAKI mokhwi o hunolla SAPS mabapi le ditshenyo ka moka goba tahlegelo tše di hlolwago ke dikgobalo dife le dife tša mmele, tahlegelo ya bophelo, tahlegelo goba tshenyo ya dithoto ge eba, goba di sa hlolwa ke SAPS goba phathi ya boraro le ge e le gore e hlotšwe ke, goba di tšwa go, goba di mabapi le go hloka šedi mo go dirilwego ke leloko la SAPS, gape ebile e hunolla SAPS go tahlegelo efe le efe, tshenyo, tshenyagalelo goba tefo ye e amanago le, goba e hlotšwego ke tshekišo ya kgorotsheko yeo MOKONTRAKI a ka bego a lebane nayo yeo go yona go ka hlolegago molato goba kleimi goba lebaka lefe le lefe, goba molato wo o ka hlolwago ke lona.
SEPHETHO SA KWANO
KWANO ye e tla thoma go šoma gomme e tla ba le maatla le go tlama go tloga tšatšikgweding la nnete la tshaeno ya KWANO yekhwi: Ge fela, ge go ka direga gore KWANO ye e se saenwe sammaletee ke DIPHATHI, tšatšikgweding la mafelelo la tshaeno, tšatšikgwedi la mafelelo la tshaeno ya phathi efe le efe, gona le tla tšewa gore ke tšatšikgwedi la go thoma ga yona.
LEBAKA
Kwano yekhwi, ka taolo ya Ditemana tša 13.2 le 14.2 - 14.3 ka mo tlase e tla tšwela pele paka ye e (bona Temana 3.1 ka godimo) kgaoletšwego e thoma tšatšikgweding la tšhomišo ya KWANO ye (bona Temana ya 12.1 ka godimo).
KWANO e ka no mpshafatšwa ka tlhokomelo ya SAPS ka tumelelo ye e ngwadilwego pele ga nako ya Mokontraki lebaka le lengwe gape le le beilwego: Ge fela SAPS, moo go nyakegago, e tlogo dira tsebišo ya go ngwalwa pele ga nako go ya ka moo go beilwego ka gona mo go Temana 13.2 ka godimo, pele ga go fela ga KWANO ye ( bona Temana ya 3.1 ka godimo), go MOKONTRAKI mabapi le maikemišetšo a yona a go mpshafatša KWANO ye.
Dikagare tša KWANO ye e tla no dula e le dikagare tša kwano yeo e mpshafaditšwego go ya ka Temana ya 13.2 ka godimo.
PHEDIŠO YA KWANO
KWANO e ka fedišwa ka tsela ye e latelago:
KWANO, ka taolo ya Temana 13.2 ka godimo le Temana tša 14.2 - 14.3 ka mo fase, e tla fela ka boyona mo bofelong bja paka ye e kgaoletšwego (bona Temana 3.1 ka godimo).
Ke Phathi efe le efe ya KWANO ye nako ye nngwe le ye nngwe ka tsebišo ye e latelago ya go ngwalwa pele ga nako go ya go phathi ye nngwe yela mabapi le maikemišetšo a yona a go fediša KWANO yekhwi.
Ge go ka direga gore KWANO ye e fele gareng ga dibeke tše pedi (bona Temana 3.1 ka godimo) go tloga tšhomišong ya KWANO yekhwi (bona Temana 12 ka godimo), tsebišo ya paka ya letšatši le tee e tla šoma.
Ge go ka direga gore KWANO e fele morago ga dibeke tše pedi (bona Temana ya 3.1 ka godimo) go tloga tšhomišong ya KWANO ye (bona Temana ya 12 ka godimno), eupša gareng ga kgwedi e tee go tloga ge KWANO e thoma go šoma (bona Temana 12 ka godimo), tsebišo ya kgwedi e tee e tla šoma.
Ge go ka direga gore KWANO ye e fele morago ga kgwedi e tee go tloga tšhomišong ya yona (bona Temana 12 ka godimo) gona tsebišo ya kgwedi e tee e tla šoma.
TLHATHOLLO
Tlhathollo ya ditemana tša KWANO ye e tla laolwa ke molao woo o šomago ka go Repabliki ya Afrika-Borwa.
Dihlogo tša ditemana tša KWANO ye ke tša mabaka a tšhupetšo fela, gomme dihlogo tše bjalo ga di bope karolo le gona ga di ame tlhamego goba tlhathollo ya ditemana tše le gannyanenyane.
Ka ntle le ge go na le se se ganetšago goba ka ntle le ge go na le se sa sepelelanego le dikagare, botee bo tla akaretša bontši gomme bonna bo tla akaretša bosadi goba ka semphekgo.
KWANO YE E TLETšEGO
Kwano yekhwi e akaretša kwano ye e tletšego gare ga DIPHATHI mme e tšea maemo a kwano efe le efe ya pejana gare ga DIPHATHI malebana le dikagare tša taba yekhwi.
DIPHATHI di kwana gore ga go diphapano tša, dikoketšo go, diphumolo tša ka morago goba phetolo ya KWANO ye ka botlotla goba ga peelano goba lebaka la yona di ka se šome goba tša ba le maatla ge e se fela di ngwadilwe gomme di saenetšwe ke bobedi bja DIPHATHI goba baemedi ba tšona ba ba dumeletšwego.
Ga go ditumelelano tšeo di filwego ke phathi tšeo di tlogo bopa tlogelo ya ditokelo dife le dife tša phathi efe le efe ka tlase ga kwano ye, ka fao phathi yeo e ka se ke be ya thibela ka lebaka la ge e file ditumelelo tša mohuta woo kgahlano le phathi ye nngwe yela tšeo di ka bago di hlolegile lebakeng le le fetilego goba di ka hlolegago ka moso.
TAOLO
DIPHATHIi mo KWANONG yekhwi di dumelana le taolo ya Lekala la Profense la Transfala (Transvaal Provincial Division) ya Kgorokgolo ya Tsheko ya Repabliki ya Afrika-Borwa ( goba karolo efe le efe ya Kgorokgolo ya Tsheko yeo lebakeng le itšego e kago tšea marapo a taolo ao bjale a šomišwago ke Karolo ya Profense ya Transfala godimo ga selete sa masetrata sa Pretoria /Tshwane, Afrika-Bowa) mabapi le kgato efe le efe goba kleimi yeo e ka hlolegago go tšwa go KWANO yekhwi.
DIATRESE TšA TSHEPEDIšO:
DIPHATHI di kgetha gore diatrese tša tšona malebana le thomelo ya ditsebišo, tefo ya seroto sefe le se fe sa tšhelete, tirišo ya tshepetšo efe le efe goba lebakeng lefe le lefe leo le ka hlolwago ke KWANO ye di be ka tsela ye:
Ge fela atrese ya ka godimo e ka fetolwa ka tsebišo ye e ngwadilwego ke phathi ye nngwe yela, mme e tla thoma go šoma matšatšing a lesome a go šoma morago ga ge tsebišo e filwe: Go feta moo ge fela atrese ye mspha yeo e kgethilwego ke phathi yeo e tla ba, goba ya akaretša atrese ya madulo yeo tshepetšo e ka romelwago go yona.
Tsebišo efe le efe yeo e dirilwego mabapi le KWANO yekhwi e ka išwa ka seatla, goba ya romelwa ka poso ye e lefeletšwego ya rejistara: Ge fela tsebišo efe le efe goba tshepetšo yeo e phethagaditšwego go phathi efe le efe mabapi le taba efe le efe goba sererwa se se tšwago go KWANO goba tsebišo efe le efe, go tla tšewa gore e rometšwe ge e filwe motho ofe le ofe yo a nago le boikarabelo mo atreseneg yeo e kgethilwego ke phathi efe le efe, gomme go ka se nyakege gore tshepetšo ye bjalo goba tsebišo e išwe go phathi efe le efe ka sebele.
Tsebišo efe le efe ye e filwego go ya ka moo go beakantšwego ka godimo, go tla tšewa gore e fihlišitšwe ka tshwanelo -
tšatšikgweding la go e iša ge e išitswe ka seatla;
mo tšatšing la bošupa go tloga tšatšikgweding la go posiwa, go akaratešwa le tšatšikgwedi la go poswa. Ge e rometšwe ka poso ye e lefeletšwego ya go rejistarwa, le mo tšatšikgweding la thomelo ge e rometšwe ka fekse.
Kgwabo kgahlano le SAPS, e swanetše go hlagišwa go ya ka dipeelano tše di kwalago le karolo ye e šomago ya Molao wa Ditirelo tša Maphodisa a Afrika-Borwa wa 1995 (Molao wa 68 wa 1995), goba tatatedi ya wona molaong.
